PANTUN KIMARAGANG 2

PANTUN KIMARAGANG 2 :


Kiowit do gadur
Om duo manuk buruntik
Kodori raitan DOBUR
Tidino raitan Tandek.

Oraian mananom
Momoli do sangkul
Toon tolu nopodom onom
Waro no sikul.

Ralan kibutak
Sinunian do bongkol
Ogumu tanganak
Mongoi sumikul

Osopung mongintopod
Mongoi papasang walatik
Toon turu nopod
Walu no kadai Tandek

Koh Chin Siong Kapitan
Kotua Kokinaan
momogun sama awantang
Otualak om obintabang.

Agayo kapal nokorikot
Paatod dot linopot
Lantop pinasangan bondira
Pituwongon mawaya.

Darun asapou sinumondot
Liyud tagayo nokorikot
Gama ka dakag di Unsaki
norolob tongo torigi.

Sominggu ot lampai
Nosingkop sid rinantai
Kiawi sid suwang walai
Aso no ramai-ramai.

Noputut jambatan rakit
Notuan ot kurimbang
Bangkar po sakaan mapit
Tumupak dilo bawang.

Pialatan Tandek Beliajung
kabun pulut gisom saralom
Tulun arangui todung
Sanganu do tinanom.

Pisou atarom
Pomigis dot sada
Pulut ot tinanom
Sid kabun do Balanda.

Sumandak mitimpan
Mongimot tongo titik
Ogumu ot gipan
Sid bawang do Tandek.

Madsaping buruntik
Sumulok bawang Tandek
Korikot sid tongkungon
Lumombus sid Tingkalanon

Suai poring diti
Ogumu ot rugi
Sumuni sid Tingkalanon
Raitan dot tongkungon

Koruk om turongou
Sada kobilangan
Tokou amu osongou
Osulimod mituturan.

Sada om gipan
Narawit do tapon
Yoku ot tinimpan
E aki tinumobon.

Alanji rombituon
Sumilau sid kosilaan
Wulan sid kotonobon
Notirung do tawan.

Ogayo ilo toburili
Tiyan yo sondopo
Orolong no dati
Modop takou po.

HANAFIAH MZ
TANDEK